MottóVildarkerfi
Mottó safnar skráningum, varðveitir samþykki og sendir markviss skilaboð í tölvupósti og SMS. Sjálfvirk flæði og gervigreind hjálpa til — en þið sjáið alltaf hvað skilar sölu, ekki bara opnunarhlutfall.
Allt í einu kerfi
Varan
Flest fyrirtæki safna netföngum í eitt kerfi, senda úr öðru og reyna svo að finna út í töflureikni hvað virkaði. Mottó setur skráningar, samþykki, sendingar og sölu á sama stað.
Ferlið
Mottó heldur utan um allt ferlið: skráningu, samþykki, sendingar og áhrif þeirra á sölu.
Fólk skráir sig í klúbbinn í gegnum eyðublað, netverslun eða leik. Samþykki fyrir tölvupósti og SMS er skráð sitt í hvoru lagi, óhakað sjálfgefið.
Sjálfvirk flæði bjóða velkomin, minna á afmæli eða endurvirkja svefnneytendur. Gervigreindin semur texta fyrir herferðir sem þið samþykkið áður en sendingin fer út.
Rekjanlegir hlekkir og pöntunargögn tengja hverja sendingu við tekjur, svo mælaborðið sýnir ROAS — ekki bara opnunarhlutfall.
Kerfið
Mottó sameinar skráningar, sendingar, sjálfvirkni og mælingar í einu vinnuumhverfi sem er þegar í daglegri notkun hjá íslenskum fyrirtækjum.
Form, netverslun, leikir og QR safna í sama gagnagrunn. Samþykki fyrir tölvupósti og SMS er skráð sitt í hvoru lagi — hver samþykkti, hvenær og með hvaða texta.
Blokka-byggður tölvupóstshönnuður og SMS-ritill í sömu herferð. Þið sjáið móttakendur, útilokanir og áætlaðan kostnað áður en nokkuð er sent.
Velkomin, afmæli og endurvirkjun eru tilbúin flæði. Mottó AI semur efnislínur, texta og markhópa — en sendir ekkert og breytir engu samþykki án staðfestingar.
Rekjanlegir hlekkir og pöntunargögn tengja tekjur við herferð og flæði. WooCommerce, Shopify og greiðslu- og bókhaldskerfi tengjast án sérsmíði.
Innleiðing
Hægt er að setja Mottó upp án tæknimanns. Þið getið séð um innleiðinguna sjálf eða fengið Novamedia til að ganga frá henni með ykkur.
Nafn, kennitala og netfang. Þið byrjið í 14 daga prufu og ekkert greiðslukort er krafist.
Þið ákveðið hvað klúbburinn heitir og hvaða texta fólk samþykkir. Hægt er að klára þetta síðar.
Núverandi tengiliðir eru fluttir inn með uppruna og samþykki þar sem það er til, eða skráðir óvirkir þar til samþykki er staðfest.
Skráningarformið fær slóð sem má deila, prenta sem QR eða setja á vefinn. Fyrsta sendingin fer ekki út fyrr en þið ákveðið.
Novamedia smíðaði Mottó og rekur kerfið. Við sjáum um vörumerki, form, samþykki, innflutning lista og fyrstu sendinguna — þið þurfið ekki að setja kerfið upp sjálf.
Aðstoð og rekstur
Mottó er þróað og rekið af Novamedia. Því fær fyrirtækið aðstoð beint frá teyminu sem ber ábyrgð á vörunni, allt frá fyrstu uppsetningu til áframhaldandi reksturs.
Við aðstoðum við uppsetningu vörumerkis, forma, samþykkis og innflutnings lista — með ykkur eða fyrir ykkur.
Við aðstoðum með herferðir, flæði, tengingar og daglegar spurningar. Hægt er að hafa samband á motto@motto.is.
Enginn starfsmaður Mottó sér innihald tengiliða eða herferða án tímabundins, ástæðutengds og audit-skráðs aðgangs.
Verð
Byrjið á lista og bætið við klúbbi, sambandi eða sérlausn þegar samskiptin verða dýpri — verð eins og þau eru á motto.is.
Fyrir eyðublöð, netföng, GSM og einfaldar útsendingar
15.900 kr.
á mánuði
Fyrir segment, áhugasvið og markvissar herferðir
29.900 kr.
á mánuði
Fyrir sjálfvirkni, gervigreind, leiki og ROI-mælingar
59.900 kr.
á mánuði
Fyrir sérsnið, mikið umfang, API og þjónustusamninga
Tilboð
Öll verð eru án VSK. Auka tölvupóstur, SMS og AI-kredit eru keypt sem fyrirframgreiddir pakkar — sending stöðvast ef inneign dugar ekki.
Sjá allar áætlanir á motto.isSpurningar
Mottó er vildarkerfi og markaðskerfi fyrir íslensk fyrirtæki. Það safnar skráningum, varðveitir samþykki sem hægt er að sýna, sendir tölvupóst og SMS og keyrir sjálfvirk flæði.
Þið þurfið að geta sýnt hvar og hvenær samþykki var gefið. Þegar tengiliðir eru fluttir inn skráir Mottó uppruna, dagsetningu og textann sem fólk samþykkti — eða þeir eru fluttir inn óvirkir þar til samþykki er staðfest.
Leiðin innifelur nokkra SMS-hluta til að byrja með. Auka hlutir eru keyptir fyrirfram — 19 kr. á hluta, eða 17,50 kr. á hluta þegar 10.000 eða fleiri eru keyptir í einu. Íslenskir stafir gera skeytið 70 stafi á hlut í stað 160.
Já. Þið veljið báðar rásirnar og hver móttakandi fær aðeins þá rás sem hann hefur samþykkt. SMS má einnig senda aðeins til þeirra sem smella ekki á tölvupóstinn innan valins tíma, sem lækkar kostnað.
Mottó AI skrifar efnislínur, texta og markhópa og útskýrir tölurnar á yfirlitinu. Það sendir ekkert án staðfestingar, breytir aldrei samþykki eða suppression og fer ekki yfir kostnaðar- eða afsláttarmörk.
Fyrsta formið er hægt að birta á undir hálftíma og fyrstu herferðina að senda sama dag. Innflutningur og samþykkisyfirferð taka yfirleitt fáa daga. Aðstoðuð uppsetning er í boði.
Prófaðu kerfið í 14 daga án greiðslukorts. Ef þið viljið að Novamedia setji upp klúbbinn, flytji inn tengiliði og fari yfir samþykkið sjáum við um ferlið með ykkur.
