Öryggi og rekstur

Kerfin þín í öruggum höndum.

Það sem þú getur gengið að vísu þegar við smíðum og rekum hugbúnað fyrir þig: hver á gögnin, hvernig þau eru varin og hvað gerist þegar eitthvað bregst.

Ræðum verkefnið Lesa skilmála

Það sem við skuldbindum okkur til

Skýrar reglur, skriflega.

Allt hér byggir á skilmálum okkar og rekstrarleiðum í verðskrá. Þjónustustig og annað sem skiptir þinn rekstur máli er staðfest í samningi.

01
Gögnin eru þín
Gögn, efni og vörumerki sem þú lætur okkur í té eru og verða þín eign. Þegar við vinnum persónuupplýsingar fyrir þína hönd gerum við vinnslusamning í samræmi við persónuverndarlög.
02
Varin gögn
Við beitum aðgangsstýringu, dulkóðun í flutningi og afritun til að vernda gögn. Komi upp öryggisfrávik er tilkynnt um það án tafar og við aðstoðum eftir þörfum.
03
Afritun og vöktun
Rekstrarleiðir okkar fela í sér daglegt afrit, uppitímavöktun allan sólarhringinn og mánaðarlegar öryggisuppfærslur. Fyrir kerfi með gagnagrunn bætist við afritun með prófaðri endurheimt og villuvöktun.
04
Viðbragð þegar á reynir
Fyrir kerfi sem reksturinn stendur og fellur með bjóðum við viðbragð innan fjögurra klukkustunda á vinnutíma, mánaðarlega stöðuskýrslu og öryggisúttekt á hverjum ársfjórðungi. Sérstakt þjónustustig er hægt að semja um.
05
Eignarhald á hreinu
Afhending kóða og eignarhald eru skilgreind í samningi áður en verkefnið hefst. Óski aðilar ekki annars færð þú ótímabundinn afnotarétt af lausninni að greiðslu lokinni.
06
Smíðað til að endast
Við veljum tækni sem endist og smíðum þannig að aðrir geti tekið við. Við tökum líka við kerfum sem aðrir smíðuðu, eftir tæknilega úttekt á föstu verði.